Дуслар җыелган җирдә

Шул уңайдан Ачасырда.     

Якын дуслар җыелды.                                                          

Дуслар җыелган җирдә

Мәртәбәле кунаклар:

Татар конгрессы, "Ак калфак"           

Һәм талантлы якташлар.                

Тукай варислары сәхнәдә

Әйтерсең лә артистлар.

Татар телен - Тукай телен

Ихластан яратучылар.              

Дуслар бар да бердәм булып,                                 

Сөйли, бии, җырлыйлар.

Шигъри тәлгәшләр дә

Аһәңле яңгырыйлар.              

Талантлы сиң, халкым!       

Бик тырыш авылдашлар!

Бөек шагыйрьне зурлыйсыз,
Үрнәк алсын якташлар!        

Тукай- якты йолдыз бит ул!

Һәм сүнмәс кояшыбыз!

Тукай салган эзләрдән

Үтсен гомер юлыбыз! 

Дуслар җыелган җирдә           

Бик тә күңелле булды.         

Бер очрашу- бер гомер ул

Тарихка кереп калды.                                    

Мәдинә Әдиятуллина