Тәлинкәгездә табигый төсләр күбрәк булсын

Сәламәт туклану нигезендә балаларның тулы канлы үсеше һәм өлкәннәрнең актив озак яшәве ята. Сәламәтлекне саклауның һәм тормыш сыйфатын яхшыртуның иң гади һәм нәтиҗәле ысулларының берсе – яшелчә һәм җиләк-җимешләрне көндәлек куллану. Алар энергиянең оптималь дәрәҗәсен сакларга ярдәм итә, иммун системасын ныгыта һәм күп кенә авыруларны булдырмый кала. Экспертлар көн саен ким дигәндә биш порция җиләк-җимеш һәм яшелчә ашарга киңәш итә (якынча 400 гр.). 

Яшелчәләрнең һәм җиләк-җимешләрнең төп өстенлекләре 

• Витаминнарга (C, A, K, E һәм күп санлы В төркеме витаминнарына) һәм организм функцияләрен саклау өчен мөһим булган минералларга (калий, магний, тимер, кальций) бай. 
• Составында яман шеш һәм йөрәк-кан тамырлары патологияләре кебек хроник авырулар үсеше куркынычын киметә торган антиоксидантлар бар.
• Яшелчә һәм җиләк-җимешләрдәге  җепселләр ашкайнатуны яхшырта, кандагы шикәр күләмен нормальләштерә һәм холестерин дәрәҗәсен киметә. Алар шулай ук тук булу хисен сакларга,  авырлыкны контрольдә тотарга ярдәм итә.
• Күпчелек яшелчә һәм җиләк-җимешләрдә су микъдары гидратацияне сакларга ярдәм итә, бу организмның барлык системалары өчен, шул исәптән тире һәм бөерләр өчен дә мөһим. 
• Күпчелек яшелчә һәм җиләк-җимешләрнең калориялелеге чагыштырмача түбән, бу аларны авырлыкны контрольдә тотарга яки туклануның гомуми калориялелеген киметергә омтылучылар рационы өчен идеаль итә.

Яшелчә һәм җиләк-җимеш куллануны арттыру буенча киңәшләр

1. Һәр ризыкка җиләк-җимеш һәм яшелчәләрне кертегез. Банан яки җиләкләрне турагыз һәм иртәнге аш өчен солы яки йогуртка кушыгыз. Яшелчә ашы ашагыз яки пешкән яшелчәләрне төшке ашка гарнир сыйфатында өстәгез. Кичке ашка яңа пешкән яшелчәләрдән салат ясагыз. Сезонлы культураларга өстенлек бирегез. 
2. Яңа пешкән яшелчәләрдән кабымлыклар ясагыз. Тиз ясап ашау өчен кишер һәм сельдерей кебек туралган яшелчәләрне әзер тотыгыз. 
3. Рацион төрлеләндерегез. Бу барлык кирәкле туклыклы матдәләрне табу өчен ачкыч. Витаминнар һәм минералларның тулы спектрын алу өчен төрле төстәге җиләк-җимеш һәм яшелчәләр ашагыз. Яңа рецептларны кулланып карагыз, әзерләүнең төрле ысулларын кулланыгыз, гадәти ассортиментны киңәйтегез. 

Сезнең рационга күбрәк яшелчә һәм җиләк-җимеш кертү – сезгә үз сәламәтлегегезне яхшырту өчен иң яхшы адымнарның берсе. Тәлинкәгездә табигый төсләр никадәр күбрәк булса, тормышыгыз шулкадәр яктыра барачак!
 

Валерия Феоктистова, 
Яшел Үзән медицина профилактикасы үзәгенең халыкка гигиена тәрбиясе бирү табибы. 
Фото авторы: Алинә Сафиуллина