Кайбер ризыкларны суыткычта сакларга кирәк түгел, бигрәк тә температура бик түбән булса. Бу хакта табиб-токсиколог, «Кутушов Симбионтлары»н булдыручы Михаил Кутушов сөйләгән.

- Суыткычта банан һәм манго кебек экзотик җимешләрне сакларга киңәш итмим. Мондый продуктлар тиз карая һәм индол, скатол, күкертле водород һәм башка газлар чыгара, — дип билгеләп үткән белгеч. - Бәрәңге, помидор һәм суганны да суыткычта саклап булмый — алар тизрәк карая, кирәкмәгән химик реакцияләр башлана. Бу исемлеккә җиләкләрне дә кертергә мөмкин — аларны суыткычка түгел, ә кояш нурлары кермәгән урынга куегыз, шулай итеп ачыту процессы башланмый.

Кутушов сүзләренчә, тагын теләсә нинди яшеллек салкынны авыр кичерә: тизрәк корый, сулый яки тирли. Аның өчен дә салкын урын табарга кирәк, ләкин температура бик түбән түгел. Табиб суыткычта бал, консервантлар һәм икмәк сакларга киңәш итми. Соңгысында тере бактерияләр әчи башлый, продукт дымлы була, күгәрек барлыкка килә. Икмәкне туңдырырга гына мөмкин.

- Туңдырылган икмәк яңа пешкән икмәккә караганда да файдалырак, — ди токсиколог.

Чыганак: «Өмет» гәзите | газета «Омет»