Көн саен йөрү өчен 6 сәбәп

Фәнни тикшерүләр нәтиҗәсе күрсәткәнчә, йөрү игътибарны арттыра, кәефне күтәрә һәм үзеңә бәяне арттыра.
Баш мие функцияләре яхшыра. Икенче бер тикшеренүләр буенча, җәяү йөрү олыларда да, балаларда да хәтерне һәм баш эшләүне яхшырта. 

Кан басымын төшерә. Кан басымын нормада тоту өчен гипертоникларга йөрү бик файдалы.
Шикәр диабеты куркынычын киметә. Тикшеренүләр нигезендә ачыкланганча, көн саен ярты сәгать җәяү йөргән хатын-кызларда шикәр диабеты куркынычы 30%ка кимегән.

Рак авыруы куркынычын киметә. Атнасына җиде сәгать җәяү йөргән хатын-кызлар күкрәк шеше килеп чыгу куркынычын 14%ка киметкән.
Авыртуны баса һәм җитезлекне яхшырта. Саф һава һәм урамда йөрү баш авыртуын бетерә, күп кенә авыруларның симптомнарын җиңеләйтә. Кайда йөрү дә мөһим. Урман яки парк иң шәп вариантлар.