Борынгыдан кайтаваз. Өлкән буын белеп әйткән

• Суны ат эчкән урыннан эчегез, ат беркайчан да начар су эчмәс.
• Җиләк-җимешнең корт тигәнен ашагыз.
• Чебен-черки кунган гөмбәне курыкмыйча җыя аласыз.
• Агачны сукыр тычкан казыган җиргә утырт.
• Йортны елан җылынып яткан урынга төзе.
• Коены эсседә кошлар оя корган урында казы.
• Тавыклар белән йокларга ят һәм алар белән тор – көннең алтын орлыгын табарсың.
• Күбрәк яшеллек аша – җанварныкы кебек нык аяклы һәм чыдам йөрәкле булырсың.
• Ешрак йөз – җирдә үзеңне судагы балык кебек хис итәрсең.
• Аяк астыңа түгел, ешрак һавага кара – уйларың ачык һәм җиңел булыр.
• Сөйләгәнгә караганда, күбрәк дәшми тор – күңелеңдә тынлык урнашыр һәм рухың тыныч булыр.

Фото: freepik