Гарәфә көне – зөлхиҗҗә аеның тугызынчы көне ул. Быел бу көн 26нчы майга туры килә.
Фото: ясалма интеллект
Расүлуллаһ салләллаһу галәйһи вә сәлләм: «Хаҗ – ул Гарәфәт!» – дигән. Шуңа күрә тиздән Гарәфәт тавына менәчәк дин кардәшләребез өчен дога кылыйк, Аллаһы Тәгалә аларның хаҗларын кабул итсен, гөнаһларын кичерсен һәм безгә дә шул гыйбадәтне үтәргә насыйп итсен!
Гарәфә көнендә БЕРНИЧӘ СӨННӘТ гамәлне үтәү хәерле санала:
БЕРЕНЧЕ СӨННӘТ гамәл: Гарәфә көнендә УРАЗА ТОТУ. Имам Мөслим тапшырган сахих хәдистә Пәйгамбәребез салләллаһу галәйһи вә сәлләмнән Гарәфә көнендә ураза тоту турында сорагач, аның: «Бу көндә ураза тотучының алдагы һәм киләсе елдагы гөнаһлары юылыр», – дип әйткәне китерелә.
ИКЕНЧЕ СӨННӘТ гамәл: «ӘТ-ТӘШРИКЪ» ТӘКБИРЕН ӘЙТҮ.
Гарәфә көненең иртәнге намазыннан алып, Корбан бәйрәменең дүртенче көнендәге ахшам намазына кадәр һәрбер фарыз намаздан соң (барлыгы 23 намаз) тәшрикъ тәкбире укыла.
26, 27, 28, 29, 30 май – тәкбир-тәшрикъ көннәре.
ӨЧЕНЧЕ СӨННӘТ гамәл: Гарәфә көнендә ГОСЕЛ КОЕНУ шулай ук Расүлуллаһның сөннәте булып тора.
Тимергали хәзрәт Юлдашев блогыннан
Нет комментариев