Васильеводан – кайгырту белән! Тагын бер ярдәм партиясе МХО егетләренә китте

Йөкне җибәрүдә мәртәбәле кунаклар да катнашты: Дәүләт Думасы депутаты Илдар Гыйльметдинов, Васильево башлыгы Вячеслав Матвеев һәм бу зур ярдәмне оештырган җирле предприятие җитәкчеләре.

Сугышчыларыбызга нәрсә җибәрелде соң?

«Мостопоезд-33» предприятиесе: техника биреп кенә калмады, махсус рәвештә 20 тонналы контейнер сатып алды, боекомплектларны йөртү өчен прицеп һәм мобиль мичләр ясады.

«Бердәмлек» штабы волонтерлары: Геройлар! Аларның куллары белән 20 маскировка челтәре, 1000нән артык порция фиточәй, 700 исән калу браслеты, 3600 коры душ комплекты, антидрон челтәрләр, окоп шәмнәре, җылы оекбашлар, одеял һәм билбаулар ясалды.

«Мирное небо» волонтерлары: тиз һәм кайнар туклану өчен 500 пакет коры аш тапшырды.

Крупская исемендәге балалар бакчасы: азык-төлек тартмалары, одеяллар һәм иң изге теләкләр белән балалар хатлары әзерләде. 

Васильево икмәк заводы: 200 тартмадан артык яңа гына пешерелгән камыр ризыклары җибәрде.

"Мостопоезд-33" хезмәткәрләре һәм волонтерларның бердәм эше нәтиҗәсендә йөкне тиз төяделәр. Хәзер ул Луганск халык республикасының Артемовск шәһәрендәге хәрби частька юл тотачак.

Менә шулай гади авыл зур һәм әһәмиятле эш башкара! Горурланабыз!