Акъегет авылында гомер итүче әниебез Рушания Абдулла кызы һәм әтиебез Камил Мәлик улы Бәхтияровларның бергә гомер итүләренә 25 декабрьдә 30 ел тулды

Безнең кадерлеләребез, сезне чын күңелебездән гомер бәйрәмегез – Энҗе туегыз белән котлыйбыз! Сезгә имин тормыш, бәхетле картлык, тигезлек һәм корычтай саулык-сәламәтлек, тормышыбызга ямь өстәп, авырмый яшәвегезне, озын гомер итүегезне телибез. Барысы өчен дә мең-мең рәхмәт, әти-әни!

Озак еллар шулай тәрәзәләрдә,
Балкып торса иде утыбыз.
Һәрчак безне каршы алса иде,
Әти-әни, туган йортыбыз.
Бәйрәмегез белән котлап,
Әткәй, әнкәй, сезгә дәшәбез.
Һәрчак шулай безгә үрнәк булып,
Пар канатлар булып яшәгез.

Иң изге теләкләр белән, кызларыгыз Айгөл, Әдилә, киявегез Рамил, оныкларыгыз Сабир, Мәликә.