Рактан вакцина уйлап тапканнар!

Россиядә 2025 елда ризалык биргән һәр кешедә рактан вакцинаны сыный башлаячаклар. Хәзерге вакытта онковакцинаны доклиник тикшеренүләр кысаларында тычканнарда тикшерәләр. "Киләсе елның уртасына без онкологик авырулар белән пациентлар катнашында вакцинаның клиник тикшерүләрен башларбыз дип уйлыйм", - ди Эпидемиология һәм микробиология фәнни-тикшеренү институты директоры Гинцбург.

Белгечләр хәзер яман шешне дә, метастазаларны да юк итәргә мөмкинлек бирә торган технология белән эшли. Бу технология уңышлы килеп чыккан очракта, вакцина пациентларга үпкә яман шеше, ашказаны асты бизенең яман шеше, бөер яман шеше, меланомалар вакытында ярдәм итәчәк.