😳❗ Пригожин: «Россиядә гомуми мобилизация үткәрергә кирәк»

«Вагнер» шәхси хәрби компаниясе башлыгы фикеренчә, Россия Федерациясендә оператив рәвештә гомуми мобилизация үткәрергә кирәк. Евгений Пригожин шулай ук аерым игътибар хәрби мөмкинлеге булган ир-атларны чакыруга гына түгел, ә корал һәм сугыш кирәк-яраклары җитештерүгә дә бирелергә тиешлеген әйтте, дип яза prokazan.ru.

Аның фикеренчә, мобилизация һич кичекмәстән үткәрелергә тиеш. Бу хәрбиләр хезмәткә әзерләнү өчен җитәрлек вакыт булсын өчен кирәк. Пригожин моның өчен махсус инфраструктура таләп ителми, палаткалы шәһәрчекләр оештыру һәм хәрбиләрне барлык кирәкле әйберләр белән тәэмин итү җитә дип ышандыра.

Чыганак:Ватаным Татарстан