«Операция Ы» һәм «Джентльмен удачи»да уйнаган актер Владимир Приходько вафат булды

Актер Владимир Приходькога 88 яшь иде. Бу хакта кино-театр.ру порталы хәбәр итә. 

Артист 10 июньдә вафат булган, әмма бу хакта хәзер генә билгеле була. Үлем сәбәбе билгеле түгел. 

Приходько Мәскәүгә килә һәм 1965 елда ук «Операция «Ы» и другие приключения Шурика» комедиясендә «пятнадцатисуточник»ны уйный. Әлеге картинада катнашканнан соң ул, шулай ук, «Войны и мира» экранизациясендә катнаша, анда солдат ролен уйный. Актер «Джентльменах удачи»да шофер ролен башкара.

Әлеге кадр «Вам и не снилось...» фильмыннан