Яшел Үзән спортчылары - хатын-кызлар мини-футболы буенча «Җиңү кубогы» турниры җиңүчеләре

«Волгоград Арена» стадионында Бөек Ватан сугышында Җиңүнең 79 еллыгына багышланган "Җиңү кубогы" хатын-кызлар мини-футболы буенча турнир узды. Анда Россиянең төрле төбәкләреннән 16 команда, 250дән артык спортчы катнашты.

Яшел Үзән данын 3нче спорт мәктәбе командасы яклады, алар арасында 5нче гимназия укучылары да бар иде.
Бердәм команда көмеш лигада 1нче һәм 3нче урыннарны яулады. Командаларда турнирның иң яхшы уенчылары дип Рената Хәкимова һәм Камилә Яруллина танылды.

Спортчы кызларыбыз һәм тренерлар Андрей Борисов, Булат Серазеевны котлыйбыз!