Бу хакта республика парламентының матбугат хезмәте хәбәр итә.
«Бу сайлаулар, һичшиксез, махсус хәрби операциянең авыр шартларында узды, республиканың күпвекторлы икътисадына тәэсир итүче санкцияләр кертелде. Шул ук вакытта республиканың барлык социаль-икътисади күрсәткечләре үсеш күрсәтә. Барысы да хезмәтсөючән күпмилләтле халкыбыз, сайлаучыларыбыз аркасында», — дип билгеләп үтте сәясәтче.
«Мин республикабызның барлык халкына, тавыш бирүдә катнашкан барлык кешеләргә ихлас рәхмәтемне белдерәм», — дип ассызыклады ул.
Фәрид Мөхәммәтшин фикеренчә, бу сайлау кампаниясенең кешеләрне берләштерүе бик мөһим.
«Бу бик мөһим, без кешеләребезне республиканың иң актуаль бурычларын хәл итү өчен берләштердек. Төрле сәяси партияләр вәкилләре байтак, алар да сайлау кампаниясендә катнашу хокукына ия иде. Сезне барыгызны да сайлау кампаниясенең уңышлы үтүе белән тагын бер кат котлыйм», — дип тәмамлады ТР Дәүләт Советының Мактаулы Рәисе.
РФ ФС IX чакырылыш Дәүләт Думасы депутатларын сайлау һәм алар белән берләштерелгән кампанияләр җомга, 18 сентябрьдә башланды һәм 20 сентябрьдә тәмамланды. Барлыгы ил буенча якынча 20,7 мең депутат мандаты һәм сайланма вазифа тутырылачак.
Татар-информ
Нет комментариев