Йорт нигезе җимерелгән, яшәүчеләр күчерелгән

Урында ук Башкарма комитет җитәкчесе Дмитрий Сапожников гадәттән тыш хәлләр комиссиясе белән ашыгыч киңәшмә үткәрә. Аның нәтиҗәсендә 15 фатирда яшәүчеләрне күчерергә кирәк дигән карар кылына. Подъезд ябыла, коммуникацияләр туктатыла. Бу хакта район Советының матбугат үзәге хәбәр итә.
“Арт-Проект” эксперт оешмасы белгечләре җимерелгән урында нигезне ныгытырга керешкән. Якынча мәгълүматлар буенча төзекләндерү эшләре 7-10 көн дәвам итәчәк. Әлеге хәлнең төгәл нәрсәдән килеп чыгуын экспертиза нәтиҗәләре күрсәтәчәк. Фатирлардагы милекне саклау өчен тәүлек әйләнәсе полиция посты кизү тора.

Фото http://m.znaikak.ru алынды.