Транспорт чарасын йөртү хокукын вакытлыча чикләү мопед һәм мотоцикл йөртүгә дә кагыламы?

Фото: ясалма интеллект

Җавап ачык: әйе, кагыла.

Суд приставлары бурычлар өчен җаваплылык чарасы буларак махсус хокукны – транспорт чарасы белән идарә итүне вакытлыча чикли ала. Мондый очракта йөртү хокукын биргән таныклык кешенең кулында кала, әмма чикләү гамәлдә булган чорда теләсә нинди транспорт чарасы белән идарә итү тыела.

Закон буенча транспорт чараларына кешеләрне һәм йөкләрне йөртү өчен билгеләнгән барлык механизмнар керә. Бу төшенчә үз эченә автомобильләрне, мотоциклларны (A, A1 категорияләре), мопед һәм скутерларны (M категориясе) ала.

МӨҺИМ! Чикләү махсус хокук таләп ителә торган бөтен транспорт чараларына кагыла. Ә Россия законнары буенча, хәтта 50 см³ күләменә кадәрле мопед белән идарә итү өчен дә «M» яки башка категорияле йөртү таныклыгы кирәк. Димәк, хокукка чикләү кертелгән очракта, ул мопед һәм скутерларга да тулысынча кагыла.