Яшел Үзәннең Ленин урамында 86 яшьлек ирне бәрдергәннәр

Шуларның 36сында матди зыян китерелгән. Кешеләр зыян күргән 4 очрак теркәлгән. 1 машина йөртүче исерек килеш тотылган.

Ленин урамында «ВАЗ-21703» автомобилен йөртүче 68 яшьлек хатын-кыз, юлдан чыгып барган 86 яшьлек ирне бәрдергән. Баш мие селкенгән, аягы сынган зыян күрүчене район үзәк хастаханәсенә госпитализацияләгәннәр.

Волжская урамында «Черри Тигго-4» автомобилен йөртүче 40 яшьлек хатын-кыз , кагыйдә бозып, 40 яшьлек ир-ат йөртүендәге «Кавасаки Вулкан-1500» мотоциклына өстенлек бирмәгән. Бәрелешү нәтиҗәсендә имгәнүләр алган мотоциклчыны хастаханәгә алып киткәннәр.

Васильевоның Залесная урамында 14 яшьлек яшүсмер, идарә итүне югалтып, мотоциклы белән капланган. Аягы сынган мотоциклчыны республика клиник хастаханәсенә госпитализацияләгәннәр.