14 – 20 июльдә 131 тапкыр юл йөрү кагыйдәсе бозылган.
22сендә матди зыян китерелгән. 2 юл-транспорт фаҗигасендә 2 кеше зыян күргән. 8 машина йөртүче исерек килеш тотылган.
Яшел Үзән шәһәренең Энгельс урамындагы 3нче йорт янында «Киа-Рио» автомобилен йөртүче 51 яшьлек хатын-кыз тугыз яшьлек самокат йөртүче малайны бәрдергән. Аягы сынган баланы Яшел Үзән район үзәк хастаханәсенә госпитализацияләгәннәр.
Мәскәү-Уфа юлының 799нчы чакрымында «Рено Логан» автомобилен йөртүче 25 яшьлек егет идарә итүне югалтып, машинасын баганага бәрдергән һәм юл кырыена төшеп китеп капланган. Нәтиҗәдә, йөртүченең ияк сөяге, кабыргалары сынган.
Фото: Рәзилә Хәйретдинова, «ЯҮ»
Нет комментариев