Җырчы Гүзәлия рус кешесенә кияүгә чыгуына үкенәме?

– Руска кияүгә чыгармын дип уйламаган идем, әмма моңа үкенмим. Әби-бабайның вәгазьләрен тыңлап үстем, шуңа күрә мөселман диненә якынмын. Биш вакыт намазымны укымасам да, булдыра алганча, әлеге төп бурычларымның берсен үтәргә тырышам. Кая гына барсам да, янәшәмдә ирем була алырдай татар егете табылмады. Иремдә зыянлы гадәтләр юк: эчми, тартмый. Динемне хөрмәт итә: мин намаздан соң, гадәттә, тынычланам. Татар икәнемне белгәч, Коръән турында сөйли башлады, ислам дине турында миннән дә күбрәк белә булып чыкты. Шунысы кызык: ул Библия укыган кеше түгел, – дип сөйләгән Гүзәлия Акчарлакка.