Яшел Үзәндә яңа индустриаль парк һәм сәүдә үзәге төзеләчәк

Шунда ук Яшел Үзән районында тормышка ашырылачак өч проект та тәкъдим ителде. Совет эшендә Яшел Үзән районы башлыгы, Яшел Үзән мэры Михаил Афанасьев та катнашты.

«Зеленая Дача» ҖЧҖ «Зеленодольск» сәнәгать мәйданчыгы һәм М7 трассасы арасында яшелчә һәм җиләк-җимеш фасовкалау һәм эшкәртү буенча җитештерү-склад комплексы төзергә планлаштыра. Проектка инвестицияләр күләме 183,2 млн сум тәшкил итәчәк, 54 яңа эш урыны булдыру планлаштырыла. Киләчәктә кулланучылар кооперациясе булырга мөмкин: компания халыктан артык азык-төлек сатып алу һәм аларны эшкәртү мөмкинлеген карый.

Яшел Үзәндә "Транс-Трейд" ТК" ҖЧҖ тәрәзә конструкцияләре җитештерү буенча 5,8 гектар территориядә тулы кыйммәтле индустриаль парк булдырырга планлаштыра. Анда 19,5 мең кв. м җитештерү биналары булачак, өстәвенә 70% чамасы "Транс-Трейд" ТКсы" ихтыяҗлары өчен файдаланылачак, ә калган мәйданнарны барлык теләүчеләргә арендага бирү күздә тотыла. Инвестицияләр күләме 370 млн сум тәшкил итәчәк.

"Созвездие" ҖЧҖ Яшел Үзәндә тагын бер проект тәкъдир итте, ул "Манзара-Молл" сәүдә үзәген төзү проектын гамәлгә ашырырга планлаштыра. Ул, әлегә эре ял үзәкләре булмаган шәһәрнең тарихи өлешендә төзеләчәк, анда гаиләләр балалары белән килеп, вакытны кызыклы итеп үткәрә алачак. Инвестицияләр күләме 350 млн сум тәшкил итәр дип көтелә, проект 60 яңа эш урыны булдырачак.