Яшел Үзәндә кайнана килененең башын банка белән яра язган

Яшел Үзәндә килененең башына металл банка ыргыткан 36 яшьлек хатын-кызга хәзер кылган гамәле өчен йөз тапкыр үкенергә туры килмәгәе.

Яшел Үзән прокуроры ярдәмчесе Рифат Сафиуллин аңлатуынча, агымдагы елның җәендә ике хатын-кыз арасында  ызгыш чыга. Берсе икенчесенә банка ыргытуын сизмичә дә кала. Киленнең башы тишелмәсә дә, зыян барыбер килә. Нәтиҗәдә алар судлашып бетә.  Ә суд гаепләнүчене 180 сәгатьлек мәҗбүри эшкә җибәрү турында карар чыгара.