15 июньдә Гает намазы шәһәрнең – өч, ә районның барча мәчетләрендә дә укылачак.
Башта, ягъни иртәнге сәгать 2дә иртәнге намаз укылачак. Аннан соң бәйрәмгә багышланган вәгазьләр сөйләнә, Коръән укыла.
Төп намаз – Гает намазы 3 сәгать 30 минутта башлана. Ул 3 сәгать 50 минутларга кадәр дәвам итәчәк.
Шуны да искәртеп узарга кирәк, республика районнарында Гает намазы югарыда әйтелгән вакытта уздырылса, Казанда аны махсус иртәнге 7 сәгатькә күчергәннәр. Димәк, мәчеткә барып Гает намазын укып кайтучылар башкала намазын да күрә алачак.
Хөрмәтле мөселман кардәшләр! Гает намазын иман йортлары – мәчетләргә барып укуның савабы зур. Шуңа күрә бу көнне мәчетләргә иртәнге намазга кадәр үк барып җитәргә тырышыгыз. Урыныгыз түрдән булыр.
Нет комментариев