Хөрмәтле яшел үзәнлеләр һәм шәһәребез кунаклары! Кадерле дуслар

Бу искиткеч көн безне барыбызны да: монда туган һәм үскәннәрне, бирегә эшләргә һәм яшәргә килгәннәрне берләштерә. Үзләренең матур һәм гаҗәеп кечкенә Ватанын яраткан һәм аның файдасына эшләгән һәркемнең бәйрәме бу.
Үзенең йөз елдан артык тарихында Татарстан Республикасы бөтен ил белән бергә үз үсешенең зур юлын узды, Россия дәүләтенең җиңүләренә һәм казанышларына зур өлеш кертте.
Утыз өч ел элек Татарстан тарихында яңа бит ачылды: безнең төбәктә икътисадны динамик үстерүгә, рухи һәм мәдәни потенциалны ныгытуга, җәмгыятьтә тынычлык һәм татулыкны тәэмин итүгә юнәлдерелгән мөһим үзгәрешләргә башлангыч бирелде.
Бүген безнең Республика Россия Федерациясенең тотрыклы икътисады һәм динамик үсештәге сәнәгать тармагы булган индустриаль субъекты. Төбәктә югары технологияле продукция булдыру, социаль, мәгариф һәм мәдәни өлкәләрне камилләштерүгә юнәлдерелгән инвестиция программаларын гамәлгә ашыру буенча бурычлар уңышлы хәл ителә. Һәм бу, һичшиксез, һәрберебезнең казанышы. Безнең хезмәт ярдәмендә бөтен җирдә яңа технологияләр кертелә, җитештерү модернизацияләнә, бу безнең шәһәр һәм төбәк потенциалын саклап калырга гына түгел, ә алга таба да үстерергә мөмкинлек бирә.
Кече Ватаныбызның социаль-икътисади иминлегенә «ПОЗиС» АҖ дә үз өлешен кертә. Агымдагы елда үзенең 125 еллыгын билгеләп үтәчәк безнең завод дистә еллар дәвамында югары сыйфатлы конкурентлыкка сәләтле күп профильле продукцияне планлы рәвештә чыгара, перспективалы инновацион проектларны гамәлгә ашыра, югары фәнни технологияләрне җитештерүгә, шул исәптән үз эшләнмәләрен дә кертә. Дәүләт оборона заказын вакытында һәм уңышлы үтәп, шуның белән Россиянең иминлеген тәэмин итә.
Бүген безнең барыбыз алдында да шундый ук масштаб­лы, яңа стратегик максатлар тора, илебезнең киләчәге аларны уңышлы хәл итүгә бәйле. Без бар ниятләребезне дә үти алачагыбызга ышанабыз. Чөнки заводта эшләүчеләр һәрвакыт хезмәт сөючәнлек, иң кыю, глобаль проект­ларны тормышка ашыру, катлаулы мәсьәләләрне хәл итүдә җаваплылыкны үз өсләренә алу осталыгы белән аерылып тора.
Серголыларның керткән өлешләре безнең дәүләт дәрәҗәсендә югары бәяләнә. Быел май аенда җитештерү эшчәнлегендә югары күрсәткечләргә ирешкән өчен РФ Президенты Владимир Путин Указы белән күп меңлек POZIS коллективы Россия Федерациясенең «Хезмәттәге уңышлары өчен» Мактау билгесе белән бүләкләнде.

Һичшиксез, безнең уңышларыбыз һәм казанышларыбызның нигезендә һәркемнең иҗади хезмәте һәрвакыт булган һәм булып кала. Без предприятиенең заманча иминлеген тәэмин итәрлек ныклы нигез салган завод ветераннарына рәхмәтле. Бүген аларның эшен компаниянең хәзерге хезмәткәрләре лаеклы дәвам итә, ә завод яшьләре предприя­тиебез, кече ватаныбыз һәм илебез иминлегенең нигезе булган яңа, креатив идея­ләр һәм карарлар китерә.

Кадерле дуслар! Сезгә һәм якыннарыгызга чын күңелдән тынычлык, игелек, бәхет, нык сәламәтлек, иминлек һәм данлыклы Яшел Үзән шәһәре, туган Республикабыз һәм бөек илебез – Россиянең чәчәк атуы хакына иҗади эшчәнлектә яңа уңышлар телибез!

Радик Хәсәнов, «ПОЗиС» (POZIS)АҖ генераль директоры Константин Антипов, профком рәисе