Хөрмәтле яшел үзәнлеләр һәм шәһәр кунаклары! Кадерле ветераннар!

Ватанпәрвәрлек, рух көче һәм фидакарьлек һәрвакытта да Россия гаскәрләренең символы иде, ә хәрби батырлык ир-атларның төп сыйфатларының берсе булды һәм булып кала бирә. 23 февральдә без илебезне легендар тарихы дәвамында яклаган һәм бүген Ватанга тугры хезмәт итеп, Россиянең оборона сәләтен, иминлеген, куәтен һәм бердәмлеген тәэмин итүчеләрне хөрмәтлибез. Батырлык һәм бурычка тугрылык, намус һәм абруй бәйрәме безнең күп буын ватандашларыбызны берләштерә. Үз илеңне корал белән генә яклап булмый. Нәкъ менә шуңа күрә Ватанны саклаучылар көне, заман һәм сәяси системалар үзгәрүгә карамастан, ватаннары белән горурланган һәм аның мәнфәгатьләрен якларга әзер булган һәр кеше өчен мөһим һәм кадерле. Без бу бәйләнеш данлы үткәнне искә алу белән генә түгел, ә Россиянең киләчәге хакына уртак эшебез белән дә ныгыр дип ышанабыз.

Бу тантаналы көнне без Бөек Ватан сугышы ветераннарына, локаль конфликтларда һәм «кайнар нокталарда» хәрби бурычларын үтәгән сугышчан хәрәкәтләр ветераннарына, һәм, әлбәттә, бүген сугышчан постта торучы, Ватан чикләрен һәм куркынычсызлыгын туган йортларыннан еракта саклаучыларга аерым котлаулар юллыйбыз. Батырлык һәм намуслы хезмәтегез өчен рәхмәт сезгә!

Кадерле якташлар! Сезгә һәм якыннарыгызга барлык билгеләнгән планнарны үтәү өчен нык сәламәтлек һәм бетмәс иҗади энергия телибез! Һәр йортта иминлек, ә туган җиребездә тынычлык булсын! Барлык башлангычларда һәм эшләрдә уңышлар, бәхет телим!

Ренат Мистахов,
«Ак Барс» Суднолар төзү
Корпорациясе»
АҖ генераль директоры