Васильевода төзелеш тәмамлана

125 квадрат метрда чаңгыны прокатка алу бинасы, чишенү-киенү бүлмәсе һәм башкалар урнашкан. Әлеге база чаңгыда йөрергә яратучылар һәм Васильево спорт мәктәбендә тәрбияләнүчеләргә дә шөгыльләнер өчен ачык булачак. Хәзер бинага коммуникацияләр кертелә, шул ук вакытта территориясен төзекләндерү һәм парковка ясау буенча да эш бара. Алга таба план буенча «Васильевский» шифаханәсе территориясе буенча узучы чаңгы трассасына ут сузу карала.