Тукланучыларда сальмонеллез табу очракларыннан соң «P. Love» рестораны ябылды

Казанның Зорге, 66 урамындагы "P. Love" ресторанын бер айга яптылар. Сәбәбе – оешмага килүчеләрдә теркәлгән сальмонеллез энтерит белән авыруның ике очрагы.

Роспотребнадзор биредә тикшерү үткәргәннән соң, пешекчеләрнең узган сроклы һәм маркировкасыз продуктлардан файдалануы ачыкланды, продуктлар җитештерүче билгеләгән шартларны бозып, сакланган. Моннан тыш, бинада ризык әзерләүнең технологик процессы үтәлмәгән һәм технологик җиһазлар җитми.