Туган теле белән горурланган һәркемне бүгенге зур бәйрәм белән тәбрик итәбез!

Татар теле – туган тел,
Безнең газиз булган тел
Әти-әни, әби-бабай
Безне сөя торган тел.
Шәйхи Маннур

Бүген – Халыкара туган тел көне. Туган теле белән горурланган һәркемне әлеге зур бәйрәм белән тәбрик итәбез!

Дөньяда 7000 гә якын тел бар. Шуларның 83е киң таралган.
Һәр халыкның туган теле – аның мәдәнияте, тарихи көзгесе. Татар теле – ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.

Безнең бердән-бер татар телендә чыгучы «Яшел Үзән» газетасы нәкъ менә телебезне, милләтебезне саклый һәм татар халкына хезмәт итә.