Тәрәз төбендә ак сирень

Яшел Үзән районы җитәкчесе Михаил Афанасьев Ленинград блокадасында яшәгән Элла Квашнинаны якынлашып килүче Җиңү көне белән котлады, аңа бүләк тапшырды һәм аның тәрәзәләре каршындагы бакчада ак сирень утыртты. Аның белән бергә “Бердәм Россия” партиясе әгъзалары, шәһәрне яшелләндерү һәм идарәче компания хезмәткәрләре дә катнашты.

Клумбаларны бизәү өчен шәһәрне яшелләндерү хуҗалыгында үскән, халыкның яраткан чәчәкләре "Анютины глазки" сайлап алынды, ә ак сирень үсентеләрен Яшел Үзән районы баш агрономы Наталья Ячанованың шәхси кишәрлегеннән китерделәр.

Элла Сергеевна бу матурлыктан канәгать калды, Бөек Ватан сугышында катнашучылар турында кайгыртулары өчен Михаил Афанасьевка рәхмәт белдерде һәм аңа мөрәҗәгать белән хат тапшырды. Район җитәкчесе барлык сорауларына да җавап бирәчәкләр һәм ярдәм итәргә тырышачакбыз, дип ышандырды.

-“Җиңү бакчасы” - сугыш ветераннары яши торган ишегалды территорияләрен төзекләндерүгә юнәлтелгән “Бердәм Россия” партиясенең масштаблы проекты. Без аларны Бөек Җиңүнең 75 еллыгы алдыннан тәрәзәдән карап сөендерергә телибез. Кызганычка каршы, май аенда бәйрәм чараларын коронавирус аркасында күчерергә туры килде, әмма безнең игътибарны Бөек Ватан сугышында катнашучыларның теләкләренә һәм мохтаҗлыкларына бер генә минутка да кимергә тиеш түгел!" - дип ассызыклады Михаил Афанасьев.