Антициклон тотрыксыз һава торышын алыштырып, республикага сизелерлек суыту алып киләчәк. Бу ТР Гидрометүзәге тараткан фараздан күренә.
Шимбәгә каршы төндә, 7 мартта, циклон китү белән кар яву дәвам итәчәк. Кайбер районнарда бураннар көчәячәк һәм көчле җил исәчәк, тизлеге 15-17 м/с кадәр. Төнге сәгатьләрдә термометр баганалары -12..-17, ә аязганда -21 градус күрсәтәчәк. Көндез -3..-8 градуска кадәр җылытачак.
Якшәмбе, 8 мартта, төнлә һәм иртән тагын кар явачак һәм буран булачак. Җилнең тизлеге 16-21 м/с кадәр көчәячәк. Температура фоны түбәнәячәк: тәүлек буе -11..-16 градус, ә төнге һәм иртәнге сәгатьләрдә аязганда -21 градуска кадәр салкын булачак.
Метеорологларның алдан фаразлавы буенча, дүшәмбе, 9 мартта, кар циклоны Урал артына китү белән республикада һава торышын антициклон билгели башлаячак. Явым-төшем ихтималлыгы аз, сизелерлек суыту көтелә. Төнлә һәм иртән һава температурасы -22..-27 градус, ә көндез -15..-20 градустан югары булмаячак.
Татар-информ
Нет комментариев