Татарстан синоптиклары көчле җил, буран һәм бозлавык турында кисәтә
Республиканың күпчелек районнарында кар, урыны белән җепшек кар явачак. Кайбер районнарда буран, юлларда бозлавык фаразлана.
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген – 13 декабрьдә, республикада аязучан болытлы һава торышы күзәтеләчәк.
Татарстанның күпчелек районнарында кар, урыны белән җепшек кар явачак. Кайбер районнарда буран, юлларда бозлавык фаразлана. Җил көньяк-көнчыгыштан исә – уртача тизлектә, урыны белән секундына 17 метрга кадәр җитеп көчәюе көтелә.
Көндез болытлы һава торышы күзәтелә, кар ява, буран көтелә. Көндезге максималь һава температурасы – 0..-2 градус булачак. Юлларда бозлавык, дип җиткерә синоптиклар.
«Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев