Рөстәм Миңнеханов татарстанлыларны өйдә калырга өндәде

Татарстан Президенты Рөстәм Миңнеханов үзенең Instagram ында гаилә көнкүрешенең рәсемнәрен #ОставайтесьДома хэштегы белән бастырып чыгарды.

Беренче рәсемдә дүрт кешелек гаилә сурәтләнгән: әтисе белән улы шахмат уйныйлар, янәшәдә генә балалар кәнәфиендә кечкенә кызлары утыра, ә әниләре өстәл янына зур бәлеш алып килә.

Икенче рәсемдә парлап коймак пешерәләр, өченчесендә — ноутбукта нәрсәдер карап, өчпочмак ашый.

"Өйдә утырабыз, Рөстәм Нургалиевич, барлык язылучыларга да киңәш итәбез", "Ничек тәмле ашыйлар", "Әйе, менә бу минеке, мин үз өемне яратам", - дип яздылар Татарстан Республикасы Президентына язылучылар үз шәрехләрдә.