POZIS Анатолий Крылов картиналары күргәзмәсен ачты

Чара «ПОЗиС» АҖ оешуга 125 ел тулуга багышлана. Экспозиция Россия машина төзүчеләр берлегенең Татарстан төбәк бүлеге ярдәме белән оештырылды.

Анатолий Валентиновичны шәхси күргәзмә ачылышы белән «ПОЗиС» АҖ генераль директоры, Россия машина төзүчеләр берлегенең Татарстан төбәк бүлеге рәисе Радик Хәсәнов котлады. Компания җитәкчесе билгеләп үткәнчә, автор үз әсәрләрендә дөнья­ның матурлыгын чагылдырып кына калмый, ә аларга аның турында үз күза­ллауларын, фикерләрен һәм хисләрен дә кертә.

ПОЗиС социаль программаларны уңышлы тормышка ашыра, заводчыларның рухи үсешенә мөһим игътибар бирә. Музей комплексын торгызу кысаларында ачылган безнең POZIS сәнгать галереясе һәр серголының гармонияле һәм тулы шәхесен үстерүгә ярдәм итә. Матурлык дөньясына кушылу безнең эшчеләрнең эчке халәтенә уңай йогынты ясый дип ышанам, бу, үз чиратында, хезмәт җитештерүчәнлегенә һәм предприятие җитештергән югары технологияле продукция­нең сыйфатын үстерә, – дип билгеләп үтте компания җитәкчесе.

Анатолий Крылов POZIS җитәкчелегенә үзенең күпкырлы иҗатының бер өлешен заводлылар һәм компаниянең барлык кунаклары белән уртаклашу мөмкинлеге өчен рәхмәт белдерде, аның әти-әнисе Бөек Ватан сугышы елларында һәм аннан соңгы чорда предприятие хезмәткәрләре булганлыгын билгеләп үтте.
Күргәзмә экспозициясендә Анатолий Крыловның 32 эше тәкъдим ителгән, анда ул табигатьнең күпкырлы матурлыгын һәм туган якның бөеклеген данлый. Аның сынлы сәнгать әсәрләре төрле жанрларда башкарылган: пейзажлар, натюрмортлар, портретлар.
Талантлы рәссамның иҗатында аерым урынны аның әти-әнисе һәм туган шәһәре Зөя утравы белән бәйле пейзажлар биләп тора. Мәсәлән, рәссамның күргәзмәдә тәкъдим ителгән картиналарының берсе – «Зөя утравы» – ул аны аеруча дәртләнеп һәм тырышып иҗат итә.

– Бу картинаны язганда, миңа утрауны бар яктан сурәтләргә ярдәм итәрлек махсус дроннар юк иде әле. Пейзаж нәкъ менә алдан күргәнчә булсын өчен, шәһәрне пластилиннан ясарга туры килде, – дип аңлатма бирде Анатолий Валентинович.

Анатолий Крылов – ТР һәм Россия сынлы сәнгате үсешенә зур өлеш кертүче профессиональ рәссам. Аның әсәрләре Мәскәү һәм Санкт-Петербург, Татарстан Республикасы, Чувашия һәм Марий Эл музейларында, шулай ук Германия, Франция, Польша һәм Кытайның шәхси коллекцияләрендә тәкъдим ителгән. Күргәзмә 30 июньгә кадәр дәвам итәчәк.