Мәскәүдәге яшенле яңгыр безгә килеп җитәчәкме?

Кичә Мәскәүдә беренче язгы яшенле яңгыр яуды.

«Һава температурасы көндез 15 грауска җитте, ә кичкә таба ишеп яңгыр яуды, яшен яшьнәп күк күкрәде» — дип язалар социаль челтәрләрдә.

Беренче яшенне фотога һәм видеога төшерүчеләр дә күп булды.

Чәршәмбе һәм пәнҗешәмбе көннәрне Татарстанда да яңгырлар көтелә. Gismeteo хезмәте хәбәр итүе буенча һава да шактый җылы, +8, 9 градус булачак. Кулчатырларыгызны алырга онытмагыз!