***
Казанда яшәүче 53 яшьлек ир-ат олы яшьтәге әнисен үтерүдә гаепләнә. Бу турыда Татарстан прокуратурасы матбугат хезмәте аша «Коммерсантъ» газетасы хәбәр итә.
Тикшерү мәгълүматларына караганда, 2025 елның гыйнварында гаепләнүче үз әнисе белән өйдә булган. Ир-ат ярдәмгә мохтаҗ булган әнисенә һөҗүм иткән. Ким дигәндә 5 тапкыр – башына, йөзенә, күкрәк читлегенә һәм аякларына суккан. Хатын-кыз алган җәрәхәтләр нәтиҗәсендә хастаханәдә вафат булган.
Гаепләнүче гамәлләренең бер өлешен таныган, ләкин аларны алдан уйлап эшләмәгәнлеген белдергән. Хәзерге вакытта аның эше Идел буе район судында карала.
Нет комментариев