Яшел Үзәннең Административ-техник инспекциясе ел башыннан 223 хокук бозу очрагын ачыклаган

Бу хакта эшлекле дүшәмбе киңәшмәсендә Административ-техник инспекция идарәсе башлыгы Ольга Абросимова сөйләде.

Җитәкче сүзләренчә, бозулар еш кына төзекләндерү кагыйдәләренә кагылган:

Кышкы чорда төзекләндерү кагыйдәләрен бозу резонанслы булды. Кар баскан кышта Энгельс урамындагы 17нче йорттагы кибетнең хуҗасы шәхси эшмәкәр Н.Кияшко ишек өстендәге түбәне кардан чистарту чараларын күрмәгән, нәтиҗәдә кибет янкормасы өстеннән кар ташкыны үтеп баручы гражданнар һәм балалар өстенә төште.

Ул билгеләп үткәнчә, быел төзекләндерү кагыйдәләрен бозуның иң күп өлеше җир, төзелеш һәм ремонт эшләре белән бәйле объектларда теркәлгән. Осиново авылында «ОНИКС 88» ҖЧҖ кәрәзле элемтә корылмасын урнаштыру буенча, Ильинскийның Зеленая урамында 37А йорт янында ордерсыз юл салу, шул ук Ильинский авылының Заречная урамында 53нче йорт янында җир эшләрен башкаруга ордерсыз грунт планлаштыру һәм башкалар. «Сетевая компания» АҖ филиалы Идел буе электр челтәрләре фәкать авария турындагы телефонограмма буенча гына эшли, җир эшләрен башкаруга ордер алмый, шуңа бәйле рәвештә, төзекләндерү эшләрен торгызуда кыенлыклар туа.

Муниципаль контрольне гамәлгә ашырганда һәм территорияләрне әйләнеп чыкканда профилактик чаралар уңай нәтиҗә бирә. Шулай итеп, уздырылган рейд нәтиҗәсендә, Россия Почтасы сату офисының керү урынын ремонтлаган, эшләр дәвам итә. Яшел Үзән шәһәренең Комаров урамындагы офисның һәм барның керү урыны яңартылган.

Үземнән өстәп шуны әйтәсем килә, без яши торган шәһәрдә тәртипсезлекне еш кына үзебез оештырабыз. Урамнарда, ташландык машиналардан башлап, үзебезнең йорт тәрәзәсеннән чүп-чарга кадәр, чүп контейнерына хәтле барып җитәргә ялкауланып, ташлыйбыз – болар барысы да арта, чөнки ташланган шешә янына икенчесен, өченчесен кую җиңелерәк. Шулай итеп, санкцияләнмәгән чүплекләр барлыкка килә. Быел гына да АТИ хезмәткәрләре көче белән 35 рөхсәтсез чүп түгү урыны ачыкланган. Әгәр дә без чиста шәһәрдә интеллигент кешеләр кебек яшәргә телибез икән, барыннан да элек кеше булып калыйк.