Татарстан башкаласы 3–12 ноябрьдә узачак XI Халыкара «Зур этнографик диктант»ка кушылачак. Шәһәр башлыгы урынбасары Гүзәл Сәгыйтова билгеләп үткәнчә, Казанда көндезге тестлаштыру өчен төп нокта — Халыклар дуслыгы йорты булачак.
Чара һәркем өчен ачык: яшь, гражданлык, дин тоту яки белем дәрәҗәсе буенча бернинди чикләүләр юк. Үз белемнәреңне шәхсән дә, рәсми мирэтно.рф һәм национальнаяполитика.рф порталлары аша дистанцион рәвештә дә тикшереп була.
Казанда диктантта катнашу өчен төрле графиклы дүрт мәйданчык әзерләнгән:
- 3 ноябрь 10:00 — Үзәк китапханә (Вишневский ур., 10);
- 4 ноябрь 11:00 — Халыклар дуслыгы йорты (Павлюхин ур., 57);
- 6 ноябрь 10:00 — Кадышево микрорайонының мәдәният йорты (Зорге ур., 6Б);
- 10 ноябрь 10:00 — Нагорный бистәсенең мәдәният йорты (Локаторная ур., 25Б).
Инициатива Халык бердәмлеге көнен бәйрәм итүгә багышланган. Аның төп максаты — Россия халыкларының мәдәни мирасны популярлаштыру һәм халыкара тынычлыкны ныгыту.
Казанские ведомости
Нет комментариев