Яшел Үзәнебездә узган Зөлфирә һәм Алмаз Мирзаяновлар концерты турында әйтәсем килә

Бу көннәрдә Яшел Үзәнебездә татар эстрадасы артистлары концертлары гөрли. Зөлфирә һәм Алмаз Мирзаяновлар концертын карап кайттым да, берничә көн шуның белән тәэсирләнеп йөрдем. Менә кайда ул татар моңы! Сүз белән генә аңлатып бирерлек түгел, җәмәгать. Өч сәгатьнең ничек узганын да сизмәдек. Алмаз мәгънәле шигырьләре, нәфис сүзе белән таң калдырса, Зөлфирә моңлы тавышы, матур җырлары белән әсир итте. Бер-берсен тулыландырып иҗат итүче бу күркәм парга бары иҗат уңышлары гына телибез.

Яшел үзәнлеләр дә зал тутырып килгән, татар эстрадасы күгендә якты йолдыз булып янучы бу парны яраталар икән. Яратмаслык түгел шул!