Чаллы кешесе криптовалютаны сумга алыштырырга теләп 3,8 миллион сумын югалткан

Фото: Рәзилә Хәйретдинова, "ЯҮ"

ТР Эчке эшләр министрлыгы хәбәр иткәнчә, ир-ат җинаятьчеләргә мессенджер аша юлыккан. Аларның күрсәтмәләренә ияреп, ул җибәрелгән сылтама буенча күчкән һәм мошенниклар счетына 40 мең берәмлек криптовалюта күчергән. Күчерү вакытында әлеге сумма 3,8 миллион сумга тиң булган.

«Таныш булмаган кешеләрнең күрсәтмәләрен үтәр алдыннан, аларның ышанычлылыгын тикшерегез», – дип кисәтә Татарстан Эчке эшләр министрлыгы.

Татар-информ