***
Асбест шәһәре суды балалар мәйданчыгында уйнаган сабыйны урлаган хатын-кызны мәҗбүри дәвалануга җибәргән. Бу хакта Свердловск өлкәсе судларының берләштерелгән матбугат хезмәте телеграм-каналында хәбәр ителә.
Хәбәрдә әйтелгәнчә, быел июньдә гаепләнүче хатын балалар мәйданчыгында уйнаган чит сабыйны үзе белән ияртеп алып киткән һәм аны фатирында тоткан. Кызны полиция хезмәткәрләре эзләп тапкан.
«Хатын-кыз сәламәтлеге буенча җинаять җаваплылыгына тартыла алмый», – диелә хәбәрдә.
Суд хатынны психиатрия ярдәме күрсәтелә торган учреждениегә җибәрергә карар кылган. Аны стационарда дәвалаячаклар, ә аңа кадәр хатын-кыз сак астында калачак. Яклар суд карарына карата шикаять белдермәгән очракта, карар 15 тәүлектән соң үз көченә керәчәк, диелә хәбәрдә.
Фото: Рәзилә Хәйретдинова, «ЯҮ»
Нет комментариев