Акчаңнан колак какмыйм дисәң

Банк карталарыннан урлаулар саны артуның сәбәбе шунда ки, акчасыз түләүләр һәм күчерүләр үсә: Үзәк Банк мәгълүматлары буенча, узган ел россиялеләр бер-берсенә 27,4 трлн сум акча күчергән. Чагыштыру өчен, сатып алуга россиялеләр карталарыннан — 21 трлн сум акча калдырган.
Тиз арада күчерү хезмәте аерым бер проблема булып тора: берничә секунд эчендә смс җибәреп чит картага 100 мең сум акча күчерергә мөмкин. Дөрес, бу бик җайлы, әмма нык куркыныч. Әгәр кеше җинаятьчегә акча күчергән икән, әлеге кеше аны шунда ук кесәсенә салып куячак. Зыян күрүче банк һәм полициягә гариза язган арада, карак акчаларны башка счетка күчерергә яки акчаны тотып бетерергә өлгерәчәк.
Җинаятьчеләрнең тозагына эләкмим дисәң,
беркемгә дә исем, фамилия, картаның гамәлдә булу вакытын һәм арткы яктагы куркынычсызлык кодын, смс аша килгән кодларны әйтмәгез.
Картаны караучысыз калдырмагыз, кибеттә сатучы яки официант кулына аны тоттырмагыз.
Барлык операцияләрне дә раслаучы пин-код уйлап чыгарыгыз.
Бары интернет аша түләүләр өчен тотырга дип өстәмә карта чыгарыгыз.
Билгесез месенджерлардан килгән смс хәбәрләрдәге сылтамаларга басмагыз.