Норлат авылы фронтка ярдәм фонды игелекле кешеләргә рәхмәтләрен белдерә

Ураза һәм Бөек постның изге көннәрендә Сез Норлат авылы фронтка ярдәм фондына ихлас ярдәм иттегез, гуманитар йөк җыярга, кирәкле тукымалар һәм башка товарлар сатып алырга булыштыгыз. Сезнең һәрберегезгә, кадерле, газиз ватандашларым, аңлаганыгыз, ышанычыгыз, ярдәмегез өчен зур рәхмәт белдерәм! Аллаһы Тәгалә Сезне дә киң кодрәте белән хөрмәтләсен!

Үз вакытында заказ биргән Фәрит Ярхам улы һәм Әлфия Загир кызына, тиктормас волонтерларның хезмәте һәм барлык товарларны китереп җиткергән күрше авыллардагы (Мулла Иле, Кугәй, Бакырчы, Татар Танае, Акъегет, Карашәм, Олы Ачасыр, Өтәк һ.б.) дусларыбызга зур рәхмәт! Безнең сугышчыларга ярдәмебез моның белән генә чикләнми. Фронтта хәзер ил язмышы хәл ителә, авыр сугышлар бара! Безнең гражданлык бурычыбыз – фронтка ярдәм итү!

Тиздән тагын өч юнәлештә гуманитар ярдәм җибәреләчәк, шул исәптән кыр госпитале өчен дә.