Мулла Илендә мәчетләренең 150 еллыгы уңаеннан уздырылган чара турында әйтәсем килә әле...

«Мулла Илендә мәчетләренең 150 еллыгы чарасында катнашырга туры килде, чакырулары өчен бик зур рәхмәт. Зур, тирән мәгънәле тантана оештырдылар, җаннарыбызга рухи азык алып кайттык. Шундый очрашуда катнашуыбызга шатландык та, көнләшеп тә куйдык. Оештыручылар барысын да исәпкә алган, җиренә җиткереп әзерләнгән. Искиткеч булды! Бу авыл тарихлы, борынгы бит инде, бик күп мәгълүмат алдык. Соклану тәэсирләре белән кайттык һәм күңелемдәге хисләрне газетабыз аша да җиткерәсем килә. Шундый мәгънәле, кирәкле очрашулар булып торсын, афәрин, мулла иллеләр!» – дип узган чара буенча фикерләре белән уртаклашты Каратмән авылыннан Әхтәм хәзрәт Ибраһимов.