Кече Шырдан авылында Каюм Насыйри истәлегенә Коръән ашы уздырганнар

Һәр елны авылдашлар К.Насыйриның бакыйлыкка күчкән көнен Коръән мәҗлесе белән искә ала. 20нче августта бөек мәгърифәтчебезнең вафатына 123 ел була. "К.Насыйриның туган җирен торгызу фонды" оештырган бу чара, галимебезнең исемен, аның татар халкы өчен куйган бәяләп бетермәслек зур хезмәтен мәңгеләштерүдә башкарылган эшнең чираттагысы. Искә алу чарасы Каюм баба рухына Коръән уку һәм чәй мәҗлесе белән дәвам итте. Ә без исә, галимнең рухлары шат булсын дигән теләктә калабыз.