Изге Рамазан аенда бер изгелекнең савабы 70 мәртәбә арта, димәк шушы кыска гына вакыт эчендә һәммәбез дә Аллах Тәгалә бездән риза булырлык күркәм гамәлләр эшли алабыз

Һәр ел саен, рамазан аенда мохтаҗларны онытмый, ярдәм күрсәтүче Фәсхетдиновлар гаиләсеннән бу бүләкләр!

- Менә бүген дә Рамазан ае уңаеннан авылыбызның ярдәмгә мохтаҗ гаиләләренә Яшел Үзән шәһәрендә яшәүче Раушан һәм Фәния Фәсхетдиновлар гаиләсе әзерләгән кирәкле азык -төлекләрдән, хәтта зәм-зәм суыннан торган пакетлар, матди ярдәм таратылды. Авылдашлар үзләрен шулай искә алып зурлаганнары өчен Раушан абый белән Фәния апага рәхмәт әйтеп, дога кылдылар.
Раушан абый,Фэния апа! Барлык авылдашлар исеменнән рәхмәт, сезгә! Сүземне тәмамлап шуны әйтәсем килә: авылларда азан тавышлары тынмасын иде, һәммәбез дә сау-сәламәт булып, изгелек кылып, уразалар тотып, намазлар укып , хак динебезгә озын-озак хезмәт итеп, киләсе Рамазан айларын да күрергә язсын. Барыгызга да Аллаһның рәхмәтләре яусын! Рамазан аенда кылган игелекләрегез үзегезгә меңе белән кайтсын, Әмин, - дип язалар Күгәй авылы Вк төркемендә.