Яшел Үзән районы Карәтмән авылында Кадер киче кичәсе узды

Моннан алда гына Резедә һәм Фирдүс Зәйнуллиннарның уллары спонсор булган ифтар матур итеп уздырылган иде. Аларга барысына Аллаһ рәхмәте ирешсен. Әәмиин. Эш, тормышлары гөрләп барсын.
Кадер киче ифтарының иганәчеләре – Карәтмәндә яшәүче Гөлнур һәм Камил Шакировлар. Үзләренә ак бәхетләр, сәламәтлек, улларының МХОдан җиңү яулап кайтуын, нык сәламәтлек, озын гомер, уңышлар, барысына да тигезлек, иң хәерлесен телибез.

Өстәлне матур итеп бизәүче аш-суга оста шәкертләребез, Әхтәм хәзрәт гаиләсе, авылның актив хатын-кызлары.

Башта Әхтәм хәзрәт вәгазь сөйләде, аннан шәкертләребез уку осталыкларын күрсәтте, соңыннан тәмле аш-сулар белән авыз ачтык. Коръәнне укучылар барысы да тырышты. Афәрин. Уңган Каюм абый чыккан Коръән-хәтемне шушы мәчеткә өлешләрен керткән элекке хәзрәт, абыстайлар рухына багышлап, догалар кылынды.

Бөтен авыл җыелып, дөньялар тынычлыгы, Аллаһ разый булуын теләп, бергә кылган догалар кабул булсын. Әәмиин.

Җирле үзидарә башлыгы Фирая ханымга да авыл халкына биргән күчтәнәч- орлыклар өчен Аллаһ рәхмәте яусын. Шәкертләремә, Карәтмән халкына, Үтәнгеш, Яшел Үзән, башка җирдән килгән кунакларга да чиксез бәхетләр юлдаш булсын.

Сөмбелә Абдуллина.
Бишнә