Эш вакытында - фельдшер, ял көннәрендә - волонтер

Шуңа күрә бүген Норлат волонтерлары сафына кергән фельдшер Лилия Садыйкова турында сөйләргә телибез.

Лилия Фәһим кызы Зур Өтәк һәм Мулла Иле ФАПында фельдшер булып эшли. Аның Зеленодольск район үзәк хастаханәсендә хезмәт стажы - 18 ел. Бу вакыт эчендә ул авылда эшли. Быел җәйдән ире, Мулла Иле мәктәбе укытучысы Рамил Гадилович белән бергә алар егетләр өчен гуманитар ярдәм җыючы Норлат волонтерлары сафына керде.

Ирле-хатынлы окоп шәмнәре өчен әзерлекләр ясый, маскировка челтәрләре үрергә йөри. Лилия Садыйкова тегү машинасында яхшы эшли һәм аның осталыгы носилка ясауда файдалы була. Моннан тыш, ул безнең солдатлар өчен өй токмачы кисә.

- Мөмкин булганча ярдәм итәбез, - ди алар. - Мәҗбүри түгел, ә йөрәк кушуы буенча!

15 декабрьдә Норлатта чираттагы гуманитар йөк җибәрергә планлаштыралар. Анда, бөтен кирәк-ярактан тыш, безнең геройлар өчен исемле посылкалар да җибәреләчәк.