15 нче май Халыкара гаилә көне буларак билгеләп үтелде

- Без дә бу көнне кичен авыл клубына "Гаилә бәйрәменә" җыелдык. Рәхәт, бакырчыларча җыйнак бәйрәм киче булды ул. Әти - әниләр бәгыръ җимешләренең чыгышларын карадылар. Сәхнә түрендә ут кебек бөтерелгән баласын күреп, эштән арып кайтулар да онытылгандыр. Әти - әниләр дә төрле кызыклы биремнәрдә катнашып, гаилә белән бәйле кызыклы сорауларга да җаваплар таптылар. Бәйрәм кичәсе зажигательный дискәтүк белән тәмамланды. Бәйрәмгә килгән авылдашларыма олы рәхмәтләремне әйтеп, гаилә җылысын суытмый һаман шундый матур итеп яшәүләрен теләп калам, - дип яза Бакырчы авылы мәдәният йорты җитәкчесе, Миләүшә Сәлахиева.