Татарстанда коронавирустан тагын ике үлем расланды

Лаборатория Саба үзәк район хастаханәсендә вафат булган 1929 елгы пенсионерның коронавируслы булуын раслады, дип хәбәр итә Татарстанда коронавирус таралуга каршы көрәш оперштабы. Хатын хастаханәгә хроник авырулар нәтиҗәсендә катлауландырылган ике яклы үпкә ялкынсынуы белән килгән.

Казанда 1960 елгы пациент үлде, ул коронавирус нәтиҗәсендә барлыкка килгән пневмания белән 16 нчы ДКБ базасында вакытлы инфекция госпиталенә кергән. Хроник авыруларның кискенләшүе аркасында хәле катлауланган.