Яшел Үзәндә 74 яшьлек пенсионерны көймәдән Иделгә этеп төшергән ир-атны хөкем итәчәкләр

Барысы да 4 июльдә, гаепләнүче үзенең «Калипсо» моторлы көймәсендә йөргәндә була. Ул Казан юнәлешендә тизлеген арттырып, Идел акваториясе буенча хәрәкәт итә һәм яр буе Морквашы авылы районында 38 км/сәг тизлектә килеп, 74 яшьлек пенсионер балык тотып утырган күпертелгән көймәсенә бәрелә. Төрле җәрәхәтләр алган ир-ат суга егылып төшеп, бата. Аның гәүдәсен бер атнадан соң Татарстан Гадәттән тыш хәлләр министрлыгы коткаручылары таба.

Гаепләнүче җинаять кылуда катнашын тулысынча таныды. Тикшерү җитәрлек дәлил базасы җыйган, шуңа бәйле рәвештә җинаять эше расланган. Гаепләү нәтиҗәсе белән судка карау өчен җибәрелгән, дип хәбәр итәләр Татарстан Тикшерү комитетының суд идарәсендә.