Якегә ТР Дәүләт Советы Рәисе килә

Фәрит Мөхәммәтшин берничә объектта булуы да ниятләнә. Семинарда 11 район башлыгы, авыл җирлекләре, шәхси ярдәмче хуҗалык, гаилә фермалары башлыклары, район фермерлары ассоциациясе, авыл хуҗалыгы кооперативлары вәкилләре катнашачак. 
Татарстанда шәхси хуҗалыклар үсешенә зур игътибар бирелә. Фермерларга субсидияләр, ташламалар каралган. Авыл хуҗалыгы продукциясенең яртысыннан артыгы шәхси хуҗалыкларда җитештерелә. Татарстанда авылларда фермерларга ярдәм йөзеннән 20дән артык программа гамәлгә ашырыла.