Телеңне йотарлык бавыр

Бавырны калынлыгы 1әр см гы тирәсе итеп турыйбыз, ә зурлыгы ничектә ярый. Бер савытка бавырны турап салабыз да, икенче савытка заправка әзерлибез.

Барысын да чама белән салабыз:

•  майонез
•  боҗралап туралган суган
•  уылган сарымсак
•  аджика
•  тоз
•  борыч
•  әзерәк лимон согы.

Барысын бергә болгатып бавыр өстенә салабыз. Янәдән барысын бергә әйбәтләп болгатабыз.
⠀
Духовканы алдан кабызып куйсагыз яхшырак. Табага аз гына май салып әзер бавырны тезеп чыгабыз. Бавырның өстендә «пузыреклар» куренә башлауга бавырны әйләндерергә кирәк. Бавырны духовкага тыккач яныннан китәсе тугел, чөнки 10-15 минуттан бавыр әзер була.

Бавырны бәрәңге боламыгы һәм үзегез яраткан яшелчәләр белән өстәлгә бирегез. Ашларыгыз тәмле булсын!